Die wêreld is ons woning nie

Die wêreld is ons woning nie

Die wêreld is ons woning nie.
Dit merk ek aan die son wat wyk,
en ‘k merk dit aan die reier wat
mistroostig na die son sit kyk
op een been, in die biesievlei.
En is die laaste strale weg,
dan rys ‘n koue op uit die vlei.
‘n Koue gril deurhuiwer my;
en ‘k sien dit dan in alle ding
wat in die skemer my omring:
die wêreld is ons woning nie.

Die wêreld is ons woning nie.
Dit sien ek as die bloedrooi maan
van agter veldstof opgegaan,
nog net die kerk se dak bestryk,
vanwaar ‘n uil, misterie-stom,
sit na die maan se skyf en kyk.
En nou dit stil word op die straat,
dink ek hoedat die middag laat
‘n lykstoet daar het uitgekom
waar nou die maan en uil ontmoet.
En ‘k merk dit dan aan alle ding
wat in die aandstond my omring:
die wêreld is ons woning nie.

Die wêreld is ons woning nie.
Dit voel ek as die wind ontwaak,
as die eikebome knars en kraak;
dit hoor ek in die fladdering
van voëltjies wat hul vlerke slaan
teen die verwarde boomtakke aan.
En as ek nader kom, dan vind
ek by die maan se wisselstraal
‘n nes vol kleintjies deur die wind
omlaaggeslinger, dood, verplet.
Ek voel dit dan aan alle ding
wat in die nagstond my omring:
die wêreld is ons woning nie.

Totius (1877-1953)

Advertisements

Be who you are

“Be who you are and say what you feel because those who mind don’t matter and those who matter don’t mind.”

Dr Seuss

Dis maklik vir jou om te sê Dr Seuss. Maar miskien moet ek dit probeer.

Vir Modderkoekie. My name is gidi and I’m a snob.

Dit is so maklik om ander mense ‘n snob te noem, en nie altyd so maklik om dit in onsself raak te sien nie. As ek regtig eerlik wil wees kan ek aan baie dinge dink waaroor ek te veel opgetrek raak, terwyl dit eintlik onbenullig is. Stadig maar seker moet ‘n mens jouself losmaak van die dinge wat jou terughou. 

Life’s too short. 

Maar terwyl ek nog ‘n snob is kan ek maar solank een van my “troetel-awersies” (behalwe natuurlik anglisismes!) met jou deel. 

Ek vind dit moelik om met swak spelling saam te leef, en dis amper asof vandag se generasie nie meer geleer word om reg te skryf nie. Die nommer een riller is om “their” met “there” te vervang. 

Of geaffekteerde spraak. Die video hier onder is ‘n lekker tong-in-die-kies weergawe van die posh aksent wat sommige mense aansit.

EK IS JAMMER, DIE VIDEO WIL NIE “EMBED” NIE.

Hier is ‘n skakel om op te kliek:

http://youtu.be/eKFjWR7X5dU

Modder, ek hoop jy geniet jou Bank Holiday!