Gedagte vir die dag

Wel, ek het die dag afgevat. Partykeer mag ‘n mens mos maar.

Ek sit nog heerlik onder die warm duvet met die “lappie” op my skoot en blog.

‘n Lekker koel (let wel nie meer ysig koud nie) luggie spoel deur die oop venster.

Nou dink ek aan daardie ou gediggie wat my pa soms aangehaal het as ons so in Desembervakansies die see sit kyk het:

Van Maandag moet ek Maandag maak
Om Dingsdag an die werk te raak;
Woensdag is ek siek,
Donderdag werk ek nie[t].
Vrijdag is dit Slamse kerk;
Wie die drommel wil dan Saterdag werk?
En Sondag is al weer kerk.

Lekker dag vir julle almal.