Geniet dit terwyl jy kan

Ons bly nou wel op die oomblik in ‘n kasarm, maar die omgewing is pragtig. Ek het reeds die strand geblog. Dis ongeveer 5 minute se stap hiervandaan. Ons is net ver genoeg agter die huise om die fris seewindjie vry te spring. Die locals noem dit “bracing”, en die meeste van hulle hou daarvan. Ek bly egter maar koulik.

Vanoggend toe die werksmense in alle erns begin hamer en saag aan die pype is ek en mev G hier uit om langs die see te gaan stap. Dis bietjie koel en betrokke vanoggend. Reën is net ‘n asemteug ver. Die seeluggie is besónder fris vandag en ons swenk in by The Lobster Pot Café. Dis sommer so ‘n ou lae langwerpige geboutjie, maar mens kan die see sien, selfs van binne af. Die vars lug maak ‘n mens behoorlik honger en ons bestel vis en tjips. Cod nogal. Cod is deesdae baie skaars in ons viswaters en baie duur.

Deesdae met die nuwe veeartse is ons gelukkig weer terug op ‘n normale rooster. Wat ‘n heerlike voorreg om weer nou en dan ‘n oggend of middag af te hê en tyd met mev G te spandeer.
Gedagtig aan Flentergat se maaltyd plaas ek foto’s. Het net vergeet om my bord af te neem.

Kliek op die skuifievertoning om groter weergawes van die foto’s te sien.

http://picasaweb.google.co.uk/s/c/bin/slideshow.swf