Ek soek nie ‘n ekspert nie

Expert.

Ex = “has been”.

Spurt = “drip under pressure”.

So ek soek nie ‘n ekspert nie. Nie eers ‘n eks resiesperd nie.

Maar iemand wat my kan help met ‘n taaldilemma sal welkom wees.

Ek dink vandag oor familie en verwantskap. Dis natuurlik ‘n mynveld.

Is mynveld nog ‘n anglisisme of is anglisismes oudmodies?

Wat is ‘n tameletjie soos “‘n mynveld” in korrekte Afrikaans? In hierdie konteks natuurlik.

In elk geval, dit gaan oor niggies en nefies en susterskinders en so aan. Die vader weet alleen hoekom die verskillende tale dit so gaan staan en opmieks het.

Ek het ‘n tabelletjie saamgestel om te probeer verduidelik:

Afrikaans

English

Deutsch

 

 

 

Neef

Cousin

Cousin

Niggie

Cousin

Cousine

Broerskind of Susterskind (manlik)

Nephew

Neffe

Broerskind of Susterskind (vroulik)

Niece

Nichte

My neef of niggie se seun/doger.

First cousin once removed

Cousin/Cousine ersten Grades

Ok, as jy die verwantskappe in Afrikaans baasgeraak het en dan moet oorskakel Engels of Duits toe raak dit ingewikkeld.

En dis nogal heel handig om te kan sê “I’m your first cousin once removed. Only once, mind you, I normally leave willingly.”

In Afrikaans het ek altyd van my kleinniggie gepraat (sy weet wie sy is). Haar ma en my ma is niggies, so ek en sy is kleinneef en -niggie. Maar is ons nie ook geneig om hierdie reël bietjie te buig nie? Ons mag dalk na ons neef se seun verwys as ‘n kleinneef, byvoorbeeld. Of is daar dalk ‘n beter manier?

Om nie eers van oom en tante en al hulle variasies te praat nie. Ek dink ons vermy dit sommer en raak iets soos “my ouma se broerskind” kwyt.

Nou wonder ek of mense in Suid-Afrika wat nog Afrikaans praat eintlik omgee oor al hierdie dinge.

Dalk is ek sommer OCD. Maar moet vir niemand sê nie.

Afrikaans

English

Deutsch

 

 

 

Neef

Cousin

Cousin

Niggie

Cousin

Cousine

Broerskind of Susterskind (manlik)

Nephew

Neffe

Broerskind of Susterskind (vroulik)

Niece

Nichte

My neef of niggie se seun/doger.

First cousin once removed

Cousin/Cousine ersten Grades

Advertisements

13 thoughts on “Ek soek nie ‘n ekspert nie

  1. Jy raak ‘n paar geldige punte aan Gidi. In my geneaologiese boekskryf, waar die verhaal in Frankryk begin toe Duitsland toe is en eventueel in die Kaap geeindig het, was dit baie kopkrap. Mooi aand.

  2. uitgebreide families is vinnig besig om te vervreemd van mekaar. niggie met wie ek grootgeword het en steeds gereelde kontak het (oor ‘n afsand), se kinders is vreemdelinge vir my

  3. Facebook het ons weer bymekaar uitgebring. Nou nie almal nie, maar wel die wat op die internet rondhang. Maar dit is waar, die kinders het nie eintlik kontak nie, en kan jy hulle kwalik neem as hulle in verskillende kontinente grootword?

  4. ‘n Dr Jackson wat met ‘n familielid getroud was (Naude) het my baie gehelp. Ek glo hy gaan iewers in jou boek feature.

  5. Interessant. Die skrywer van die boek se ma was ‘n nooi Naude, maar sy vrou se nooiensvan was Swarts. Nou wonder ek wie hierdie Jackson was. Kan jy my ‘n privaat boodskap stuur asseblief?

  6. Sjoe, ek is nou sommer moeg gedink! Ja-nee, jy noem dit tereg ‘n tameletjie. Ek sou dit doen soos jy, ek weet nie van ‘n beter manier nie. Daarie neef se seun/dogter het my nou uitgeboul.

  7. Ag wat, dit was ‘n lekker tameletjie en dit maak seker nie te veel saak nie solank ‘n mens op die ou end uitvind hoe die familie inmekaar steek. Ek het weer ons ou familieboek gaan uithaal om deur te blaai, en ek lees ook tans ‘n ander familiegeskiedenis/kroniek wat ‘n ander blogger vir my aangestuur het. Ek het ‘n interessante mengsel van nasies in my agtergrond: Hollanders, Ingelse, Hugenote, en wat nie alles nie. My pa het geglo ‘n bietjie Skotse bloed ook… Snaaks hoe so ‘n stukkie geskiedenis begin lewe kry as jy jou voorsate in daardie konteks kan begin plaas.

  8. Haai Wikkelbokkie. Die “Oom” en “Tannie” val baie snaaks op ons ore omdat ons al so lank in die buiteland is. Mense noem mekaar maar sommer op die voorname, kinders insluitende.Tog wonder ek soms of ons nie die baba met die badwater uitgooi as ons van die meer respekvolle spreekwyses ontslae raak nie.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s